വടകര മണ്ഡലത്തില്‍ നിന്നും ചരിത്രവിജയം നേടിയ, ഷാഫി പറമ്പിലിന് , ഷാര്‍ജയില്‍ നല്‍കിയ വന്‍ സ്വീകരണത്തിന് ,നന്ദി പറയുകയായിരുന്നു അദേഹം. വടകരയിലും തലശേരിയിലും എംപി ഓഫീസ് പ്രവര്‍ത്തിക്കും. പരാതികളും മറ്റും നല്‍കാന്‍ മൊബൈല്‍ ആപ്ളിക്കേഷന്‍ ഉടന്‍ ആരംഭിക്കും. ഇതില്‍ പ്രവാസികള്‍ക്കായി പ്രത്യേക വിന്‍ഡോ തുറക്കുമെന്നും ഷാഫി പറഞ്ഞു.
ഇപ്പോഴത്തെ പാര്‍ലിമെന്റിലെ പ്രധാന ആകര്‍ഷണം പ്രതിപക്ഷ നേതാവ് രാഹുല്‍ ഗാന്ധിയാണ്. നാല് പ്രധാന വിഷയങ്ങളില്‍ മോദി സര്‍ക്കാര്‍ യു~ടേണ്‍ എടുത്തു കഴിഞ്ഞു. ഇത് ശുഭകരമായ പ്രതീക്ഷയാണെന്നും ഷാഫി ചൂണ്ടിക്കാട്ടി. ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടന്ന സ്വീകരണ യോഗം അസോസിയേഷന്‍ പ്രസിഡന്റ് നിസാര്‍ തളങ്കര ഉദ്ഘാടനം ചെയ്തു. കെഎംസിസി ഷാര്‍ജ കോഴിക്കോട് പ്രസിഡണ്ട് പി കെ അബ്ബാസ് അധ്യക്ഷത വഹിച്ചു.
Comments: